مسـتني مكـتوبك…شعر معوض حلمي
معاك هاكمل رحلتي ومعاك
هالضم خيوط الأمل تخضر
فإياك تخاصم خطوتي وتنساك
وإياك تسيبني والأماني تكر
الضر مش حبة وجع وخلاص
إحساسي بيك منبعه الإخلاص
فإياك تدوس ع الجرح وتعدي
هاعدي بيك العمر لحدودي
وهاوهبك عودي تعزف عليه ألحان
دا انا لسه باترجى في السجان
يفتح بيبان السجن لحصاني
كان ليا واحد خل وعصاني
أغصاني لسه بتطرحك رمان
حلمي اللي كان لساه بيتنفس
لساه بيتحسس عطورك فين
ماتقـولـش ولـفـين
والروح إذا حبت بتتقسم نصين
لو نص روحك فين
أنا نص روحي نما
طاير يدور في السما
على نصك التاني
ماتقولي قابله لساك بتهواني
ألواني لسه بتندهك في الروض
والحوض إذا صابه العكار بيخيس
عتريس ماشالش لفؤاده الناي
وانا صوتي ليك في الفضا غناي
عتريس بطبعه كان قساي
فإياك تكون نساي والهجر يسرح بيك
وأنا لسه حاجز ليك في القلب ضلايه
لساني بانصح فيك والغربه قسايه
وهوايا .. لساه بيفتح الموضوع
فافرد جناح الرجوع ، وحقق الغايه
والحب آيه ، في قلوبنا متسطره
عنتره ، كتب في عبله الشعر
وسرقها بالإحساس
والفاس بتبوس في خد الأرض
تخضر حرنانه
والرد فـين الآقـيه ..؟
مسـتني مكـتوبك
أكييييد دوايا فيه
سايبني تايه ليه ..؟
وانا روحي عطشانه
بقلمي الفلاح الفصيح /معوض حلمي
منشأة بطاش /تمي الأمديد /دقهليه
التعليقات مغلقة.