مسيرها تروق … بقلم السيد ابوقوره
عدت سنين من عمري
راحت في مهب الريح
لا شوفت فيها هنا
ولا شوفت يوم تفاريح
ضاعت وضاع حلمي
مسروق بدون توضيح
عايش مع الحرمان
بشهادة ميلاد إنسان
عمرة ما عاش في أمان
عُمره ما عاش مستور
عمره ما شاف النور
عايش جريح في ضريح
يا دنيا ظلماني
دايماً معنداني
عايش و مجنى عليه
بتحاكمى دايماً فيه
و بترفعي الجاني
يا حلم يا مسروق
اصبر مسيرها تروق
ويبقي فيها حقوق
الجاني منها يدوق
من شرها يعاني
من شرها يعاني
التعليقات مغلقة.