مشاعر قاتله. …بقلم أبوشمس سالم
عليكِ ضحكة مجنناني
بسمة صافيه مدوباني
يوم ماشفتك هز خوفي
جزء مني وروح كياني
هحكي قصة حب كانت
شئ غريب بشكل تاني
حُبها عايش في دمي
هيَّ أبويه خالي عمي
هيَّ وقت الجد أمي
تشيل همومي تخف عني
عايشه فيَّ جوّا نفسي
هيَّ نبض ف حرف شعري
هيَّ همسة هيَّ نسمة
هيَ وقت اليأس حلمي
هيَّ نبضي هيَّ عمري
هيَّ نص حاله مني
هيَّ كلمه بقصه كاملة
هيَّ رحلة ف التمني
لما خوفي يهز عقلي
قلبي يبكي ليه تخوني
قلبي يصرخ من ظنوني
وعقلي يعتب ليه تلومني
نفسي أكمل بيها عمري
بس خايف يوم تسيبني
أضيع واتوه ويا غُلبي
واموت شهيد بسهم حبي.
"عامية"
التعليقات مغلقة.