مش بتأسف بقلم الشاعر جمال زكي عينر
مش بتأسف
مش بتعالى ولا بتكبر
مش بتأسف
علشان ظلمك ليا كان أكبر
علشان خنت هواك وعهودك
واستكترت عليا وجودك
كنت ف نظرى حياه وبتكبر
كنت ف نظرك طيف مش اكتر
علشان كده انا مش بتأسف
مش بتأسف ع اللى غدر بى
وفاتنى لوحدى وهجر دربى
فات ايامى وفات لياليا
بعد ماكان بيعيش هنا جنبى
علشان كده انا مش بتأسف
مش بتأسف لحظة عليك
ياللى الدمع ما زارشى عينيك
ياللى ما شفتش دمع عينيه
لما انا كنت أنا بابكى عليك
علشان كده انا مش بتأسف
وجعك بس إني استغنيت
قسوة بقسوة عليك رديت
حاسس إني كده اتعديت
جى تحاورنى وجى تتفلسف
فاكر انى عليك حتأسف
لأه ده بعدك
مش حتأسف
التعليقات مغلقة.