مش ذنبي …
حسن أبو عرب
مُش ذنبى انَّ نَا
جيت الدنيا فقير
ولا ذنبى
انَّ نَا عندى مبادئ
جِوايا ضمير
الفقر دا شئ
مش بيعِيبنى
ولا فعل الخير
مش عايز اكون
أبدا باشا
ولاحتى وزير
ولا عايز دهبَات
ولا فضه
ونادُونِى ياكبير
انا عايز اعيش
حُر فى وطنى
واكون كالطير
الكون الشاسع عنوانى
للحب سفير
الدنيا املَاها بألحانى
وأغنى واطِير
والنهضه تعم فى أوطانى
مراكبها تسير
وبرغم دموعى الغلبانى
أنا ليها أسير…
أبوعرب
التعليقات مغلقة.