مش رضا
بقلم سامح لطف الله
هل السكوت يا ناس علامة للرضا؟
انا مآمن بالقضا
وبستعيذ من وقعته
من شر قوة قبضته
لكن سكوتي مش رضا
كل الظروف المغرضة
بتلخبط العقل الرزين
هيجيب منين ويروح لفين
واديك لجيبي منفضة
بياع يبيعلي محفضة؟
عايزني الم المليمين
ويطيروا برضك في الفضا
ساعة القضا
ومفيش بصيص
لملم عصاتك عننا
بالغصب مش بخطرنا
تاهت مواضع رجلنا
غامت عنينا كلنا
الحق يا يوسف ضمنا
وانزع فتيل القنبلة
وارمي لنا حتة م القميص
فوق التلال من قمحنا
طايش يا نصل رمحنا
فرتكت ليه السنبلة؟
يا ماجور ومشتاق للعجين
التعليقات مغلقة.