مش فاكراك شعر .. وحيدعلي الجمال
لما خاصمتك مره زمان
وحرمتني من روحي ف بُعدك
كنت بخاصم قلبي معاك
وابعت دمعي ينام على خدك
ببقى لوحدي وكلي فداك
وافضل اراقب طيفي ف حلمك
يمكن اشوفك مرة هناك
وارمي بشوقي جوه ف حضنك
لما شافوني بادوب في هواك
عدى الليل سهران على سيرتك
قلبي بيرقص لما سمعني
وانا بتهجى حروفي في اسمك
مهما تغيب أنا هستناك
كل ما تبعد قلبي يقرب
لما خيالك يلمس روحي
بغفرلك م الفرحة جروحي
واسرح منك أجري أضمك
وانا جواك
بتنفس إحساسي معاك
وكأني مخلوق لهواك
جوه ملامحك كل ملامحي
وسرقتك من خوفي معاك
وان سألوني مرة عليك
تلمع عيني واجري عليك
وانت واخدني في حضن عينيك
واحلف باللي أنا عشته معاك
إني حقيقي .. مش فاكراك
التعليقات مغلقة.