مش كنت تقول… شعر حسن أبو عرب
مش كنت تقول انَّك غدَار!!
وان اللّي عمَلْتُه مكَنش هِزَار
قلبَك دقاته كات باردَه
وانا قلبي عشانك آيد نار
طب ليه بتفُتنِّي أتوه وأضِيع
مش كنت تقول انَّك كداب
علشان اعمِلَّك ألف حساب
واقفل على قلبي مليون باب
انا قلبي خلاص
داب م الترقيع
يامعلَّقنِي ودايبَه احبالَك
عَمَّال تضحَك
ولا على بالك
مش ديمَالَك
ولا كل العمر هيِبقَى ربيع
من أفعَالَك حيران مذهُول
وباقُول معقُول
دا انا ياماصبرت عليك كام حُول
من كدبَك باغزِل نُول ورا نُول
وانت بفعلك ياما كنت وضيع
فمتفرحشِّي بعشاق حواليك
لانا هَبكِي فى يوم أو احِن اليك
كِبرَك وحدُه دا كفِيل ينهِيك
ولا يشفَعلَك أيتها صَنِيع
ولا يشفعلك أيتها صنيع
التعليقات مغلقة.