مش مشكلتى بقلم .. أشرف يوسف
مش مشكلتي انك تبعتلي
طلب ونا روحت موافقه عليه
بعد شويه ترن عليا
بكل بساطه فاكر إيه؟؟
هو عشان ما وافقت بطلبك
بتقول بس دي دايبه خلاص؟!!!
بتعلقلي عالفيس حبه
وبعد شويه تدخل خاص
مين يديك الحق ف إنك
تتعب قلبي معاك و تشك؟
أنا مش منهم يا حبيب خالتك
آخرك يبقي معايا بلوك
إيه يا جماعه جرى فيه إيه
نلعب ليه ببنات الناس؟؟
حبه يعلقلي علي الفيس
وبعد شويه يدخل خاص
لا نا داخله الجنه بإعجابه
ولا لو سيبته هاروح النار
أنا م الليله خلاص ودعته
لأ مش راجعه وخدت قرار
كان متأكد أو بيشك
يرغي لوحده هناك ويلوك
أنا هحذفه من صفحتي خالص
يا جماعه و اعملوا بلوك
التعليقات مغلقة.