مش مصدق شعر / اشرف الشناوى
ليه بتهرب من عينيا
لما اعدى يوم واشوفك
كنت قبل الهجر ياما
حد كان يقدر يحوشك
كنت احسك وانت جى
كنت احس بروحى حى
كنت اباهى الخلق بيك
كنت احسك لو عاوزنى
قلبى يسبقنى يناديك
كنت باحلم بيك تملى
لما حزنى يزيد احلى
كنت اشوفك جنب منى
وقت جرحى بتلازمنى
مش مصدق النهارده
تبقى أبعد منى مللى
دا انت روحى وكل حاجه
لولا خوفى من خالقنى
كنت اقول انك خالقنى
ليه ظالمنى
ايوا اصدق كل حاجه
الا انك يوم تسيبنى
ليه بتهرب من عينيا
لما احس انك عاوزنى
لسه بينا طرف خيط
واوعى تنسى انك بديت
وانى لسه فى قلبى حته
حته ليك لو مره جيت
بكره تندم عاللى بعته
بس مش هتفيد ياريت
قلبى عايش بس ليك
عمره ماتبطر عليك
لسه بيصون الوداد
لسه بيصلى استخاره
لجل ماتبطل عناد
قلبى لو مل اشتياقك
يبقى حى على
الجهاد
يبقى حى على
الجهاد ……
التعليقات مغلقة.