مش منسي بقلم بنت مصر …سولافا بسيوني
بينك وبينه
كتير حاجات
مايعلمهاش
إلا المولى.
دا لما قرر
واختارك
قال الشهادة
ليك أولى.
وحبه ليك
زرعه ف خلقه
والدعوة بينهم
متداولة.
مكتوب على
جبينك شهيد
وانت في
حضن أمك وليد.
متشافه قبل
ما تتسمى.
مش قايله إسم
على مسمى.
بيميزوا بيه
الأشياء.
أنا شوفت
في عينيك
م الهمة
جحيم وشابب
ف الأعداء.
وإن كنت طالع
في مهمة
بلقاك أسد
واخد جولة.
مكانك ماليه
بالهيبة .
وصمودك دا
عهد الرجال.
شادد لحيلك
بكتيبة.
رميين تكالهم
ع الحمال.
صوت الزئير
منهم فالق
قلب الحجر
لوكان صوان.
طلقة بارودهم
بتدوي وصداها
بيرعب جبان.
تحرق حشا
شرب الخسة
وعاش خوان.
دفنوك وكان
دمك سايل.
دي إشارة
هلت ببشاير.
لقلبها إللي
كتيرشايل.
ودي كانت
ليها بشرة
خير وايد
بتمسح الأحزان.
هتفتكرك في
كل مكان وأي
زمان ومين
ينسى.
تلقى السما
بيك بترحب.
بموكب مالهوش
أي مثيل وليها
دليل بالقلب اتحس
في نفس وف
ذات الأوان.
زفة عريس
رايحة الجنة
ومسك من
روحك طاير.
شوف الملايكة
شمال ويمين.
بتوب الفرح
ليك جايين.
ومزينين ليك
الصفين
بورد مجدول
بضفاير.
هتقول دا لازم
يوم عرسي.
ونأكد احنا ونأمن
كل البشر من
بني جنسي .
في صوت واحد
هيسمعه مؤمن
بروحك أو جاحد.
اسمك هيفضل
مش منسي.
عمر البطل ما
يكون منسي.
التعليقات مغلقة.