مش مهم …بقلم أشرف الشناوي …شاعر عامية البرامون -المنصورة
مش مهم
تعيش حياتك زيهم
مش مهم يكون لقلبك
دق يشبه دقهم
مش مهم تلاقي
ضحكه تعدي بيها
او تحس
في يوم ملامحك
وتلاقيها
مش مهم انك تبات
وسط حزن يعض فيك
او تلاقي حد جنبك
يسندك ويواسيك
مش مهم
الجرح ياخدك
يكسر الحلم اللي طل
مش مهم تكون حياتك
مسأله ومحتاجه حل
مش مهم
تحس روحك جوا منك
او تحس بيوم سعاده
مش مهم الحزن يبقي
جوا منك برضه عاده
المهم انك تكمل
زى ماانت وبشياكه
لم حزنك
داري اوجاعك
في عبك
كمل المشوار معافره
كل احلامك بتطلع
بس كافره
مش مهم تحس
طعم الابتسامه
او تخش وبذنوبك
عالقيامه
المهم تلاقي قلبك
لسه قادر عالامامه
او تلاقي الحلم طاير
في السما
زى الحمامه
شد صبحك من عينيهم
حتى لو سموه
خيانه
كام نبي جالهم وخانوا
وضيعوا بعده
الامانه …………………
التعليقات مغلقة.