مش هاعيشك
بقلم الشاعر المصري أحمد إبراهيم النجار
مهما كان الجرح منك
مهما خان الضوء ف شمسك
مهما عاش الليل فى دربك
مش هاعيش
عايش بحلمك يا سراب
فوق غياب المحرومين
من عيونك
قفله بابك طافيه نورك
حضن بارد والخريف
والخريف ساكن دروبك
لما اصرخلك بشوقي
مخفّي صوتك
لما تنزل يوم دموعي
والأقي موتك
بين دروب العابرين
والسنين فيها السواد متفرّقين بين بحورك بين خضارك بين فصولك والليالي مدمّعين
مش بأيدي ازرع ربيعك
او اعيش بين ركوع العابدين
او ارتّل سفر دينك
بين صفوف الساجدين
مش هاعيش مكسور فؤادي
بين جموع العاشقين
مش هنادي في يوم وأقولك
اني قلبك قاسي ليه
او هلومك او هعتبك
ده الورود اللي فى دربك
ليها ناس بالنبيذ سكرانين
ع البيبان مطوّحين
ع البارات متشوّقين
للسجود للركوع
للخشوع ع النهود
ع النهود متجمّعين
واللى عطشان من حليبك
بين حارات عطشانين
نور شموسك بالسواد متكحّلين وفجر نورك حتى ضوءك
نفسي اشوفك بس عيني
م الغيوم والسواد متغمّين
مش هاعيشك حلم تاني او هكون فاضل مكانى ده الأماني حلم عابر حتى ليك حبي عابر واللى باقي أشلاء شهيد
بقلم الشاعر المصري أحمد إبراهيم النجار
التعليقات مغلقة.