مش هقدر احبك ……بقلم وحيد علي الجمال
مضطر أسيبك واطلع ندل
وألبس في عينيكي انا توب الغدر
مش فاضي أحب ولا حتى اتحب
الهم انصب في قلبي انكب
دبدب برجوله عملني مطب
واستنى يشوفلي أنا ردة فعل
رحت اتوضيت في حيطان الكرب
وانا بترجاه وببوس في إيديه
مايزيدش أساه أو يعلن حرب
بعد اما اتشقلب في سطوري
وجرحت انا كام حرف بخوفي
وغسلت ظروف تشفع لي سنين
أنا كنت هصور عنده قتيل
و كسرت اقلام رسمت تعليل
سحبت في عنيه روزمة مناديل
ولا شاف علامات استفهامي
ولا عرف الخط
نتفت في ريش النوم أوجاع
واتمرد قلبي ع الأوضاع
عمروش اتخض ولا مرة اتهت
و بخزق عين أجعصها تخين
ف ازاي في الحرب هسبل عين
واغرق في العشق أكتب مواويل
وانا لما النار تمسك في النار
ف ازاي من نارك هبقى شهيد
مش قادر احبك
والدم في غزة ملهش عزيز
هنرشه في قلب ساحات العيد
ونصلي عليه من غير تكبير
شلال بيحني وشوش العار
مش هقدر احبك واخلصلك
وانا شايل تار
مش هقدر اواجهك بذنوبي
وانا م الفرار
ماعادتشي الكلمة بتوجعني
ولا م الاسرار
مش هقدر احبك
وانا شايل 100 ألف شهيد
على كتف الذل اللي مرفرف
بجناحه كسير
بعلن قدمك وانا شايف
الكل ذليل
اللي ما هيقاطع
منتجهم أنا منه برئ
وحيد علي الجمال
التعليقات مغلقة.