مش هلومك بقلم احمد إبراهيم النجار
مش هلومك ع اللى عدي
م السنين او أنين زرعتهولى
مش هلومك ع الضياع
والخداع والمرار شربتهولى
مش هلومك ع الحنين
اللى مات
لما ماتت يوم جزوري
مش هلومك ع الليالي
والخريف وانتي
خطفه فجر نوري
مش هلومك ع الربيع
او جفاف
او مواسم بالعجاف
او حدود مسجون
في سوري
مش هلومك او هعتبك
او هوفقك ع الخداع
او هعيش بالقرب منك
بعد قلبك يوم ما باع
مش هلومك او هقولك
أد إيه الحلم ضاع
والسفينه ف بحر قربك
فيها مكسور الشراع
كل شيء اصبح في قربك
موت غريق والطريق
اصبح غريب
حتى حضنك شوك بيجرح
لما قلبي يكون قريب
والجفاف اللى ف شفايفي والملامح مش ملامحي
حتى لوني بجرح امسي
مش بلومك عيشي يومك وافرحي
فوق مسارح وارقصي
واحتفالك بالعذاب
هاتى طرحة اتحزمي
فوق جراح قلبي اللى شاب واكتبيني
انى واحد كان حبيب
بس داق في القرب
ويل والسنين وياكي مر
والحنين كان وهم كدب
مش بلومك عيشي يومك
شدي طرحه وعري توبك
فوق خدودك لون سوادك
لون عيون بالخوف بترقص
واللي عازف واللى راسم
رغم جرحي وقلبي يصرخ
من برودك من عيونك
من وجودك فوق مسارح
مش هلومك ع اللى عدي
م السنين او أنين
زرعتهولى
مش هلومك ع الليالي
والخريف وانتي خطفه
فجر نوري
مش هلومك
عيشي يومك وافرحي
فوق مسارح وارقصي
واحتفالك بالعذاب
هاتى طرحة اتحزمي
فوق جراح قلبي
اللى شاب
بقلم الشاعر المصري/ احمد إبراهيم النجار
التعليقات مغلقة.