مصراوي بقلم الشاعر / رضا أبو شنب ” بيرم المصري”
قالو منين الجدع
انا قلت مصراوي
معرفشي شغل الدلع
ولا كنت يوم غاوي
لا يوم مشيت في البدع
ولا كنت براوي
ولا حتي احب الخدع
او كنت انا حاوي
عاشق تراب البلد
عايشه في اوصالي
بربي ليها الولد
واوهب لها الغالي
انا مهما جسمي انجلد
هي اللي ابقالي
والقلب ليها اتولد
والقلب كان خالي
حبيتها من غير سبب
والرب اوحي لي
وبشوف علشانها العجب
عايش في اوحالي
يوسف ولبي الطلب
علشان شريف غالي
موسي خلع بالادب
والامر من العالي
يارب لاجل النبي
صلحلي احوالي
خليني انول مطلبي
من كل شيء غالي
قالوا منين الجدع
انا قلت مصراوي
مبحبش المرتجع
ولا كنت يوم غاوي
التعليقات مغلقة.