مصر الغالية … بقلم أحمد فؤاد الهادي
مَصر هَتِفْضَل غالية عَلَيا
زَى انا برضُو مغالى عليها
هَبْقَى تمللى شايلها ف قلبى
وَعِيش متغطى برِمْش عنيها
………..
حبها سِحْر بيجرى ف دمى
رب الكون دايما يحميها
هَتِفْضَل بلدى غالية عليا
زى انا برضُو مَغَالى عليها
هَبْقَى تمللى شايلها ف قلبى
وَعِيش متغطى برمش عنيها
……….
اللى يخونك دا مش لونك
ربى يصونك م الخاينين
ياللى رسمتى بسمار لونك
جنة جميلة للعاشقين
عشقوا ترابك حارسين بابك
وقالوا عَرَقْنّا يحَنّى إديها
وتفضل بلدى غالية عليا
زى انا برضه مَغَالى عليها
وَبْقَى تمللى شايلها ف قلبى
وَعِيِشْ متغطى برمش عنيها
…………..
التوحيد من أرضها نور
قالت فيه للدنيا إله
من كان يقدر يوم يتصور
إحنا أَمِنّا وعبدناه
رب الكون خصها وهداها
ولا راح ينصر حد عليها
هتفضل بلدى غالية عليا
زى انا برضه مَغَالى عليها
وَبْقَى تمللى شايلها ف قلبى
وَعِيِشْ متغطى برمش عنيها
…………
7/2/2014
التعليقات مغلقة.