مصر بقلم أحمد كريم
يافوق الغُصن وردايَه
فى عِز الحُزن ضحكايه
تشيلى الدَّمعه بإيديكى
أشوف الشمس فى عينيكى
وألف حكايه وحكايه
حفظتِك جوه عقلى كتاب
عملتِك جُوَّه قلبى حجاب
عشقتِك أول الأحباب
ومهما البُعد طال بيننا
تعيشى يامصر جوَّايا
يافوق الغصن وردايه
بَحِسِّك فى الوريد دَمِّى
واشوفِك فى المنام أمِّى
تشِدِّى غطايا وتضُمِّى
بحب الأرض وترابِك
يانجمه وعاليَه فى سمايا
وفوق الغُصن وردايَه
التعليقات مغلقة.