مصر غنوه…بقلم اشرف الشناوى شاعر عاميه المنصوره البرامون
مصر
مش اوضتين وسقف
مصر
ارض حنينه مليانه عطف
مصر
غنوه وبنت شابه
نيلها بيرمى كفوف محبه
ارض طاهره وناس جميله
ناس قلوبها نور وطيبه
مصر
ضحكه وتوت وضله
مصر
ورده وعود وفله
مصر
عقد من القلوب
رسمه تنفع اى توب
مصر
قله ومصطبه
قلب مليان طبطبه
لحن ينفع اى عود
كلمه حلوه
مسكره
مصر يا غنوة وطن
حضن دافى وللسكن
مصر يا غية حمام
باض وغنا للسلام
كله جايلك باحترام
مصر
مش اوضتين وصاله
مصر ام وقلب خاله
مصر دى هى التاريخ
مصر دى قد التحدى
كل صعب يهون يعدى
وهى واقفه صالبه طولها
مين فى يوم يقدر يطولها
شال وطرحه واوصه مايله
عمرها للهم شايله
مصر صوت كل المدافع
مصر فى الجد الباروود
مصر لو نادت ولادها
تبدر الارض الفهود
تلقى 100 مليون مواطن
كلهم عدوا الحدود………………..
التعليقات مغلقة.