مصلحجية (عامية)…ابراهيم سمير عبد العزيز
•••••••••••••••••••
اه يعرفوك
ويشيلوك
ووقت مصلحتهم
يتمحلسوا
وفوق روسهم يرفعوك
•
الو .. الو .. الو
وبتليفونتهم ليل نهار يدوشوك
•
ولما تنتهي الحكاية
يخزوئوك
وفوق دماغ اللي جابوك .. يكرفوك
•
يعلموا اكس على قلبك
لاجل تكون ليهم نشان
وفي صميم قلبك يضربوك
•
وقعت
نزفت
بتزحف على بطنك زحف
اياك فاكرهم هيرحموك
•
اياك تقول عيش وملح
او ان نشانهم صابك بالغط
•
قوم .. اجري
اتعجز على جراحك
اهرب بجلدك
اللي زي دول لو طالوا
عل حيا يسلخوك
التعليقات مغلقة.