مطروح للنقد “خلاص هنساك”…
أحمد زيدان
خلاص هنساك
لحظه قبل ما تمشي
و تعاود سنين الهجر
لحظه اصبر
مفيش من تاني جاى بكرة
وعلي فكرة خلاص انساني بالمرة
خلاص مبقاش ما بينا صفات هتتلاقي
ولا المسافات معاك جارة
وراك النجوي مشتاقه
ولا هجرك نيآت حرة تعربد ف المسا قلبي
ولا برة السفر أوقات هتضحك بيها علي حبي
و هرجع تاني و اترجاك
خلاص خبي القسا و أنساه
خبي معاه مسا الحكايات
و هات وياه اهات و حاجات
دا قلبي يا دوب بدأ يحبي
و يرجع تاني يتعلم
بدون عكازك الموهوم يقوم يمشي
خلاص امشي
متخليش هنا حكايات تفكرني
و خد كل اللي كان و ياك مصبرني
خد الذكرى … خد اللي سهرت اغني له عشان بكرة
قبل ما تمشي و تبعني لقساك ه نساك
و مش هغضب …
هنصب داخل الذكرى عزا ل قلبي
،. هرجع تاني و اتالم …. كاني لسه بتعلم
هيبقي الدرس دا مولم
لكني خلاص هتوب و انساك
و هنسي الضعف من رمشي قبال ننك
خد الاشواق و يلا امشي
و سيب لي الروح اعديها ورا منك
علي عمرى اللي بات مجروح
و اخبيها من الاحزان و اقلك روح
اقلك روح بعيد عني
ه خبيها ورا همسك و من رسمك و لو ممسوح
و اسمك لما برسملك في ليل البعد أناتي
غير مسموح تعادى الروح و تكويها
و انا عاجز أمام حبي
أمد عنادى يحميها و اقول عادى
في حرقة شوق اخليها
برجع أهاتي ولا تسال
بمشي و ارص ف الاحلام علي حطام الامل ايام
و أقول جايز يطبطب قلبك الجارح
علي الشوق اللي بات سارح ليمك حاضن امبارح
رايح عالسنين طارح اماني ضعاف
و صابح ندهة المقداف بترسل بحرك المالح
كأن روايح الأنات بترسم لك ورود حلمي
لا رابح منها ولا طارح
و جارية بتقطع الشريان
عشان دمي اللي باآن ارخص من الحرمان
قصاد هجرك معاد قلقان ….
عشان صياد حواديت الغرام عواد
بيرمي اللحن ما يسمي
وانا همي مكنش عناد ولا عاد الوداد حلمي
خلاص هرمي و اقطع كل أوقات الهوي يمي
و اقلك لسه خد وياك
خد الوصل اللي كان ممدود لصوت همسك
كفايه جحود
هقول امسك معاد غدرك و رجع اسفي علي فجرك
علي ندمي و عمرى عشان كمان مجروح
هقلك روح كفايه هوان
حقيقي طلعت مش انسان
خلاص هنساك و مش ندمان
احمد زيدان البلياتشو
التعليقات مغلقة.