مطلوب اني انسى
بقلم .. جيهان النجار
مطلوب أني أنسى
اني٠٠ بنت
واني٠٠ ست
واني ٠٠ أنثى
وأني سر الكون بحاله
أني أول حلم كان يخطر بباله
ممكن أنسى!؟!
ازاي انسى!؟!
أني صورته المرسوماله ومكتوباله
اني حلمه فى عز المه
اني سلمه أني حربه
اني امه
اني اخته
اني بنته
اني ضلعه وحته منه
ممكن انسى !؟!
ازاى انسى !؟!
اني ضهره
ونبض قلبه
اني راحته
واني سره
اني صبره فى عز كربه
اني أجمل يوم فى عمره
ممكن انسى !؟!
ازاى انسى!؟!
انسى أفرررح
واني شجرة وعايزة
تطرررح
اني ضلع وليا
مطرررح
ممكن انسى !؟!
ازاى انسى !؟!؟
انسى أحبك
مستحيل
مستحيل الحب يمشي
وأنت عيني
وأنت رمشي
وأنت عندى الكون بحاله
أنت احساسه وجماله
ممكن انسى !؟!
ازاى انسى !؟!
ممكن أتحول لقسوة
مستحيل أني اقسى .
التعليقات مغلقة.