معامل إنكسار…بقلم وافي إسماعيل الشلبي
وفيه ألوان
ما هيش بيضا ولا سودا
لكن واضحة
ولافة الشال على الطرحة
وراسمة للألم صورة
تشد عيون
وبوسط الصورة كام عيل
وكام بنوتة حبوبة
عيونها تفيض من الأوجاع
في صمت شديد
بدون مواعيد
وكأن الدنيا مخلوقة
مراود خوف
ومين مشتاق ومين ملهوف
يعبي بلاش
ومين بيشيل وهَيشًيل
ومين بصباحة ليل لَيٍل
شعاع للشمس ليه مكسور
حنين للقلب واخد دور
ظلام دامس يعدي السور
ويطفي نهار
لكن ربي القدير قادر
يعدي الدنيا دي على خير
التعليقات مغلقة.