معاناة شعب…
السيد عتش الدمنهورى
ـــــــــــــــــــ
افتحوا
القلب الكبير
اللى صابر
ع المحن
يا الغلابه
الشقيانين
وكمان خدونى
ف حضنكم
احسن خلاص
العمر منه
باقى قليل
واقدر أقول
يارب بارك
عمركم
ــــــــــــ
بعد كدا
اكون انا
ف عالم
بعيد
مرحوم
بدعوة منكم
وذكرى حبكم
انا عشت ضنك
العيش معاكم
وشربت من كاس
ظلمكم وبؤسكم
ــــــــــــــ
وكان ف حرفى
رنين وصوت
ناطق لسانه
بنبضكم
انا اصلى منكم
مش من بعيد
والحرف دا
حتى الكلام
من حرفكم
ـــــــــــــ
لكم صراخ
ومعاه انين
واصل لقلبى
وصوته عالى
بيقول انكم
رافضين قهركم
وصدق إحساسى ومشاعرى
الامر دا
شيئ طبيعى
الشعر اصلا
شعركم
ـــــــــــــــ
عندى سؤال
محتاج جواب
ايه نهايه
حزنكم ؟ !
بأى أسلوب
تقضوا بيه
على قهركم
وغلبكم ؟!
دا الصبر بقى
غالى كمان
وزى غيره
ازاى كدا
معقوله
تشتروا
صبركم !!
ـــــــــــــــ
ممكن البنك
اللى قالوا
إسمه دولى
جايز تلاقوا
حل عنده
دا لو يوافق
على قرضكم
وتشتروا
بالقرض منه
صبر تانى
وعن السداد
يبقى الكرم
من ربكم
ـــــــــــــــــ
فين الحضاره
والفراعنه
هما فين
فى دروسنا
قالوا إنهم
دول أصلكم
وصبرتوا فى
حفر القناه
مع الهرم
ودول
علامه ورمز
لجمال صنعكم
ــــــــــــــــ
الإنجازات دى
واضحه خالص
صور مضيئة
ونور لآخرة
صبركم
حروفى تعبت
م الكلام
وكفايه إنى
حريتى
بيها قادر
اكتبلكم
عن حسكم
ـــــــــــــــــــــــ
كلمات الشاعر
السيد عتش
( الدمنهورى )
التعليقات مغلقة.