معذور “من ديوان علي قد الشوق”… محمود فودة
معذور
لو انت عـــالـــم بيَّ كنت عذرتنــــي
تجرحنـي ليه بكلامك انت قهـرتني
خليت دمـوع القلب تصــرخ وقتـها
والــروح بتسأل بعــدها ليه سبتنـي
مش هلومك وقت زعلك ع الكــلام
حتى لو كان فيـه مابينا يوم خصام
هو انت فاكر انـي بـزعل من حبيبي
قلبي عمره ميشتكي وينسى الغرام
أنا ليــك وهفضل في الهوى مرسـاك
بعشق عنيـــك واشتــاقـلــــها ويــاك
حبيتك انت وقولتلك أنا لسه بـاقـي
على ذكـــرياتي وكل حــاجــه معــاك
بعنيك وشايف من اللــي باقـي عليك
رغم اني عارف شوقي مـرسى عنيك
ليه ناســي دمعــي وكل حاجـه تهون
ياما كنت بعشق في الخطى مراسيك
الحب كـان أيام زمان فـــارد جناحه
ناصب غـرامه فـي سكتـه نوَّر براحه
الحب دا إحساس بيمحـي في حزننا
من زينا بنعيش وننصب افـــــراحــه
لو كان يلوم القلب حد يلــوم حـبيبه
وقت العتاب مين بس يظهر ليَّ عيبه
نرفــوز وعصبي وفي الأساس قلبــي
حكــــم عليَّ بأنــي عمـــري ما اسيبه
مين كان بيفهمني بعيونه بدون كلام
مين اللي دوبني في غرامه بانسجام
مين دا اللي قلبــي لما دق وحـــن له
خلالي روحي بتعشقه فيها ع الدوام
من ديوان
على قد الشوقبقلم الشاعر/محمود فوده
التعليقات مغلقة.