مفيش أصحاب…
ايمن شتا
بعدك مفيش اصحاب
ولا حد دق الباب
عايش عذاب في عذاب
بعدك انا يا صاحبي
…
كنت السند والعون
يامة مسحت هموم
بعدك بشوف الكون
كأني مش بحبي
…
بعدك كسر ضهري
موت سبب قهري
صدقني يا صاحبي
بعدك مفيش اصحاب
…
كنت اخو ليا
وصحبي في الدنيا
لو ينفعوا عنيا
افديك انا بيها
…
ارجعلي متسبنيش
بعدك اموت او اعيش
حياتي مش فارقة
يا صاحبي متسبنيش
…
بعدك مليش اصحاب
ولا حد دق الباب
كله عذاب في عذاب
بعدك كسر ضهري
…
وحشني يا صاحبي
….
ايمن شتا
التعليقات مغلقة.