مقاطع شعريه لابن عاشور…بقلم الشاعر إبراهيم عاشور
الحب لما اتحشر فى القلب لم
سابه.
ومن ساعتها العزول ما اعرفش
ايه نابه
أعلنت ساعة النزال…
أعلن جنابه انسحابه
رفعت راية النصر.
جرى وقفل بابه
عايروه عيال حتتى
قام جز على نابه.
………
الحب لما حضر
قدمت قرابينى.
ورفعت راية الخطر
شافها عدوينى.
الكل سلم نمر
مشيوا على دينى
……..
يامفسرين الاحلام
مين فسر الطالع.
فى العشق ياما داريت
والقلب كان والع.
عنى الخبرخبيت
من عينى راح طالع.
…….
شارى الحبيب شارى
ايه ذنبه ايه ذنبى.
يارب فوضت لك…
امر الحبيب أمرى
ياخلق لو تنصفوا…
هاتوا الحبيب جنبى
……..
يامفسرين الأحلام
قلبى العليل…حالى
الحلم خدنى بعيد…
عيشنى موالى
واقع فى عرض النبى
حوشوا العزول عنى.
مشى الخطاوى قسم
مالهم بقى ومالى.
التعليقات مغلقة.