مقدر … بقلم الشاعر رضا ابو شنب …بيرم المصرى
مقدر جمالك مقدر هواكي
يا اجمل ما ليا و روحي وملاكي
مقدر عيونك ونظرة رضاكي
ولو غبتي عني بحس بهلاكي
مقدر ظروفك وحبك وخوفك
مقدر كلامك مقدر كسوفك
و انا جوه منك بحس بكياني
واحس بكلامي بيرسم حروفك
بحبك يا كل الليالي الجميلة
يا ليلة جميلة ومن الف ليلة
ولو غبتي عني دقايق قليله
حياتي بتصبح ممله وتقيله
تعدي الدقيقة بليلة طويلة
وشوقي ينادي بحب الاميرة
وعارف بانك مسيرك هتيجي
تداوي جروحي لانك اصيلة
انا قبل منك حياتي مفيش
انا كنت ميت وبحلم اعيش
وبحلم اشوفك نهاية المطاف
ولو علقوني في قلب العريش
وهفضل احبك ولو في الخيال
ولو قربي منك هيفضل محال
هضحي علشانك بكل الكيان
واحوش علشانك ولو بالريال
وحبي وحبك هيفضل حلال
وقلبي وقلبك يشوف الجمال
ولو يوم تسوقي عليا الدلال
هنختم حياتنا بحبة عيال
هنختم حياتنا بحبة عيال
التعليقات مغلقة.