ملخص المشهد بقلم محمد مفتاح
ملخص المشهد
والصوره بالتفاصيل
قلبي أنا يشهد
گأن عشقك ليل
وأنتي القمر يضويه
قبليكي كنت عليل
جيتي علشان تداويه
يامدوقاني الشهد
سكراني بجمالك
لساني عند الوعد
بأني أبقالك
سقياني خمر حلال
بعدك صبحلي محال
وبقيت علي ده الحال
شعري صبح موال
يتغنا بجمالك
رغم السدود والقيد
أنا لسه قلبي وليد
والحلم قدامه
لسه الطريق أخضر
غرقان في أحلامه
عالبعد مابيقدر
عايش وبيعافر
وبحلمه بيسافر
لأخر حدود الأرض
علشان مايقطف ورد
يهديه لمعاليكي
حتى أن ماكان ليكي
هتبصي حواليكي
تفتكرى كام ذكري
فاكره أما قال بكره
الدنيا تفرقنا
ممكن أروح ما أعود
ساعتها أشواقنا
للذكرى تسبقنا
لوكنت مش موجود
أرجوكي سامحيني
وأفتكري كام ضحكه
مع قهوه مظبوطه
بالوش عالفنجان
بعدك بكيت عيني
أنا توهت في السكه
عايش في حدوته
مليانه بالأحزان
التعليقات مغلقة.