مناي انت “نص شعبي عراقي” بقلم صبري السعدي
ينتمي الشاعر صبري السعدي للعراق و هو بلد كبير وفيه اكثر من لهجة ، منها العربية ومنها التركمانية ومنها الكردية وغير ذلك وإليكم بعض المعاني للكلمات باللهجة العراقية و التي وردت في قصيدة الشاعر :
مطروح : مرمي
ذبني : رمى بي بعيدا
خل : دع
مدلي : إرمِ لي
الضيعتك : للضيعة وهي اسم يطلق علي
القرية في بيروت
اوجاك : وجاء اليك
اشكد : تعبير عن وفرة وكثرة الشيء
مشبوحة : مفتوحة على الاخر لاترمش
هيد : إهدأ
شيلوحه : لا يطاله
شوفي : شاهدي
دگة : دقة
(مناي انت)
فوق اعله الجبل
وانه بسفح مطروح
سهم لحضك
رماني وذبني بسفوحه
خل عينك عليه
ومدلي حبل انقاذ
تصد عيني
عليك وروحي مجروحه
قلبي الضيعتك
عاف الضواحي اوجاك
عليك اينوح
قلبي وياثگل نوحه
حمام الروشه
شافه
واكثر ابيروت
وشاف اشگد
حمام اعله البحر دوحه
ماهمه الحمام
البيها يزهي الوان
بقت عينه
عليكم عينه مشبوحه
لامت مره روحي
القلب بطل هيد
مو عالي
الجبل وبعيد شيلوحه
رد النبض عندك
شوفي دگه اشلون
مو خافي
عليك ودگه مفضوحه
صح گالت الروح
وشوقي انه اوياك
انه ازيد
هويته اوسري مابوحه
فوق اعله الجبل
وانه بسفح مطروح
سهم لحض رماني وذبني بسفوحه
خل عينك عليه
ومدلي حبل انقاذ
تصد عيني
عليك وروحي مجروحه صبري السعدي
العراق
التعليقات مغلقة.