منتظره حُبك !
بقلم مسعد البحراوي

منتظرة حبك!
    مني يظهر في الكلام !
أو إني احبك حُب عادي والسلام
أنا لما أقول إني بحبك
لازم يكون حب اكتمل
حد التمام
دانا يوسف الصِدِيق صَديقي
وكان رفيق دَرْبي السليم
معروف بِطـِيبتي والكرم
مذكور في قرآني الكريم
أنا في الأساس مخلوق رحيم

حُضنك سكنْته وفيه كنيسه
  جنب جامع
مِحراب وكان فيه الـجِباه
متجهه ناحية قبلتي…
يامآ صوٓتى أذن .
قام بلال .
وقال لِي سامع.
من جوه صوتك نبرتي

ومشيت مع كل الائمة..
وحضرت غزوات لـِ النبي
د هواكي أمي
وذكرياتي
وأمنياتي
ونور حياتي
ومذهبي

إنتي الرهان بين العِدا
  وف كل مره بتكسبي
ياحبيبتي إنتي كوكبي

يادره وسط مجره بتمد إيدها بالوفا
فازاي هقولك كلمتين حُب وكفى

لايرتَوي قلب إذا.. نطق بحبه واكتفىٰ
يابنت آيات السلآم وللأَهلـةِ منصفه
اهواكِ حين يضمني
صدر  الشوارع والطرق…
أهواك ِحين نفترق ….
اهواكِ بينَ دفاتري
وخواطري
لا يكفها
‏حبراً يدون على ورق….

ياحبيبتي عاوزك تسمعي
قصة تراث الماجنات
هتشوفي فيها اللي اندفن
جواه حياء لولاه مامات
أنا عمري ماهَويت السكات
لكنه لازم دا الزمن
بَمْسِك كتاب الذكريات
بلقاه مغلف بالكفن
واسمع صراخ المومياوات
بين السطور
خايفه اللي فاضل يتمسح
     مِالمعجزات
ما القرد أصبح واد شبح
والأمثله لابسه الصاجات
والعِلم سارح بالسِبَحْ
بيلم بالعافيه الفُتات

ما بيَّدي غير إني اعشقك
والعشق عندي  أصون يا روحي  كل عرض

لفيت كتير جوه الكواكب والفَلَك
مالقيتش زيك تاني أرض
حتى النظر لو قَضَّىٰ عُمره بيتكسر
وسط السِكك
فانا بالفؤاد بلمح واشوف
واسمع ألوف
بيناجوا ربي ف كل فرض 

الدعوه من وجع القلوب
طالعه بتوب
‏ ا
‏أبيض وخالي من العيوب
‏ شيفاكي بعيون الفؤاد ..
ولسان ماينطق غير لربه
ساق على الظلم العناد…

مين اللي قال إن الفؤاد مالوش عيون؟!
عين الفؤاد أصدق كتير
من عين بتتغطىٰ بجفون
لو عاوزه أقول كلمة بحبك ؟
قومي نفضي توب الشجون
قبل مَّاموت من دا الحياء.. مجنون