من أب واحد شعر حسن أبو عرب
يااللي خاين
مش أمين
انت تطلع
قُلِّي مين؟!
ولا تبقى
يبني ايه ؟!
انت بني آدم سفيه
انت مبتسواش جنيه
ليه بتهدم في أساسك
ليه رضيت بالظلم كاسك
ليه بتسقي مِنُّه ناسَك
خاف دعاء المظلومين
خُد من الظالم دا رادِع
الشيطان ملعون وخادع
ما أجمل الخير والتواضع
عيش فى ضِل الطيبين
ليه تخلي الدنيا غابه
للتعالب والديابه
صاحب الفُقَرَا الغلَابه
كن سَنَد لِيهُم معين
نفسي اشوف الكل واحد
اوعه قلبك يبقى جاحد
كلنا من أب واحد
ليه بتتكبر ياطين ؟!!
التعليقات مغلقة.