من أول مقابله شعر غنائي بقلم الشاعر : أشرف يوسف
من أول مقابله ناديتني
بعيونك و قلبي يسلم
مقدرتش أقول غير أيوه
بعنيا بدون ما اتگلم
و لقيتني بسلم أمري
لغرامك وادوب فى هواك
واتمني اللي فات من
عمري
لو يرجع و اعيشه معاك
مااهو زيك مفيش اتنين
في الدنيا يانور العين
واسألني أقول أنا زيك
ياحبيبي أجيبه منين؟!!!
حبيتك بكل مشاعري
وانا عايش معاك إحساسي
وناديتك يا أغلي عليا
من روحي وقلبي وناسي
يا جمال اللقا في هواك
وحلاوة الگلام بعنيك
من إمتي و قلبي يحبك!!!
و سعادتي بتكمل بيك
خد إيدي في حضن إيديك
قربني لهواك قربني
من ساعة ماتيار شوقك
يلمسني الهوي يگهربني
وياك الحياه تحلو
وبعيشها في أجمل جو
وف قربك بيبقي گلامي
مافيهوش مستحيل ولا
لو
وياريت اللقا علي طول
في غرامك ياروحي يطول
وينول اللي حب بقلبه
في الدنيا زي انا ما بنول
الجمعه بتاريخ ٢٠٢٢/١/١٤م
من ديواني الجديد
سنين في الحب
التعليقات مغلقة.