من بين ايدين الزمن… بقلم عصام إدوارد
من بين ايدين الزمن
طلعتلنا كورونا
جايبالنا خوف وقلق
وحاله مجنونه
وسوسه ورعب وتعب
ونهايه ملعونه
نهايتها ممكن موت
وياريتها مأمونه
سخونه كرشة نفس
وكمان وجع فى الزور
غرغر بميه وملح
وكمان عليه لمونه
ولازم تغسل ايديك
بميه وصابونه
واوعى تنسى الكحول
دى نتيجته مضمونه
وكمامه دايما لابسها
وبلاش تبوس وتسلم
وابعد عن الزحمه
ملعونه ياكورونا
التعليقات مغلقة.