من حق الحياة تتعاش
شعر غنائي
كلمات ابراهيم الافندي

ما عنديش حاجة في الدنيا حتِخْسَرني فتكسرني
ولا أحزان ولا ألام .. قدرت يوم تغيرني
ولو زارني الملل مرة .. أسيبه كتير يقف بره
ويسأل نفسه ليه زارني .. ما عنديش حاجة تكسرني
و حتى اليأس كان عايز يحيرني فحيرته، بِعِدْ عنَّي و سَّفْرته.. ولا شارني و لا شورته ميلزمناش.
و من حق الحياة تتعاش، وأحزاني اللي شيفاني .. وجودها معايا مش فارقة
قالت وأنا ليه أفكر فيه .. دا حيموتني م الحرقة
بتيجي ظروف آلاقي الخوف بقا مكسوف يخاف مني و يحْذرني
ما عنديش حاجة في الدنيا حتكسرني فتخسرني
ولا أحزان ولا أفراح قدرت يوم تغيرني
و أحلامي اللي ما بتجيش، ما تشغلنيش .. مش حستنى تتحقق ولا مدقق ضاربها طناش
أشوف أحلام تكون أكبر حتتدبر، أنا مكبر في أحلامي
يحاول الملل فيا، يصاحبني يلاعبني .. وما استحملش قدامي
بقيت انا حلم للأحلام .. بتتمني تفَّسرني
ما عنديش حاجة في الدنيا ح تِخْسرني فتكسرني
ولا أحزان ولا أفراح
قدرت يوم تغيرني.