من ديوان دموع وألم “ليه يازمن”… أشرف يوسف
ليه يازمن
غنوه شعبيهللشاعر : أشرف يوسف
ليه يا زمن بتهدني
ودايما ناسيني؟
دوختني و تعبتني
وطلعت عيني
ليه يا زمن بتهدني
ودايما ناسيي؟
ليه حظي فيك دايما قليل
ودموعي ليل ونهار تسيل؟
وبايعني عمري ما شوفت يوم
انك شاريني
ليه يا زمن بتهدني
ودايما ناسيني؟
حملتني فوق طاقتي ليه
واكتر زياده؟
مابقيتش احس معاك أنا
بطعم السعاده
وان جيت اقول أرتاح في يوم
ما بشوفش انا ف ليلك نجوم
ريحني ليله وقوللي إيه
بينك و بيني
ليه يا زمن بتهدني
ودايما ناسيني؟
الخميس بتاريخ ٢٠٢٢/٦/١٦م
بقلمي : أشرف يوسف
من ديوان : دموع و ألم
التعليقات مغلقة.