عطش الصبـابـه
أحمد عفيفي
ح تـسلًـمـى..
وتلمْلمى اللى باقى منًى ولًا
ح تظلمى ؟
أصل اللى باقى مش كـتيـر
والبير نشف ومعادشى فيه
الًا -هـبـابـه-
عطش الصبابة, والحـنـيـن,
وسنين طويلة مـن السـفــر,
والغُـربه , ودروب الخطـر
دغشش على شُوفى ولـسًـه
بقـول:أمـين!
أشكى لمين..واهــرب لـفـين
إذا كـنتـى نعـسانـه وناسيانه ,
الـغـلابــه؟
وانا اللى على صوت الربابه,
صـحـيـت ,
وضربـت -أُشـــلاء- الـعـــدو
وغنّيت باسـمك,
وانتشـيت ورفعـت صـورتك
فــوق دمــاغ كــل الـبـشـــــر
وعلًيت المقام ونغًمت الـوتـر,
إصحى يانـن الـعـيـن ومِــدّى
اديكى ع الغارب,
انا المـشـتاق,لا انـا غـضـبـان,
ولا معـاااااتـب
دفًينى واقـطفى من قلبى تـمـر,
الحُب..راعينى
انـا دينى:عـشقـك..فـيكى قلبى
اللى انـفطـر
الشاعر..احمد عفيفى
من ديوانى-صرخة وتر-
التعليقات مغلقة.