من غير تفكير بقلم شيماء عادل
بسمع نص كلام الليل من غير تفكير
والنص التاني بسرعه يطير
رافض يدبس ف التوهان
العقل ثبات إنما ف جنان
بيقاوح ف الدنيا لوحده
على ورقة شجرة بيتهجي
عمره المرصوص
من كل الخلق عليه مبصوص
كلمات في قصيده بتتكرر
مليانه اخطاء
معدومة من القافيه تملي
احساس بغباء
ممنوع القهوه ف نص بواقي الشفا م الجرح
لكن بتعاند بوح الليل
معدوم تفكير
بتسمع للقمره حكاية
والصوت مبحوح
القمره بتبكي على المجروح
وانا لسه ببوح
يا ضمير الخلق كتير سكران
الحاله قدامي بتتكرر
نفسي اقرر
اتعامل وبنفس الصيغه
لون قلبك رافض للحوارات
اراجوز الليل بيسايس طيبة قلبي معاه
معجونة الفرحة بنظره عين
تصبح وف لحظة اساسي حزين
يداوي الجرح بحبة من ذكر الرحمن
يا تعيش ندمان
بتراضي ف اراجوز بيرافقك
وعنيه حواليك
سرحان قلبك ف ليالي من الظلم اتصابت
وايديك طابت
من كتر سلامك على الخاينين
ضحكة ومرسومة على الخدين
بيداروا الغدر اللي ف عينهم
وانا لسه بسامح ف الظالمين
التعليقات مغلقة.