من غير ما اتهان بقلم عصام فاروق
من غير ما اتهان
أتضايق آه
أتجنن جايز
وساعات أقعد حزنان
وساعات اتنطط زي زمان..
لكن أتهان؟
مش ممكن..
وقتها بيثور البركان
وبينطلق الطوفان
وأحط اللي يهني فوق القضبان
يدوس عليه قطر الزمان..
أيوه أنا جعان
مش لاقي قوت يومي وليلتي
بس إني أتهان!
مش ممكن يخطر أبدًا في الحسبان
الموت أهون لي
من إن كريم الشان يتهان
الموت أهون لي من إني يهني جبان
إما إني أعيش إنسان
شخصه منصان
أو إني أموت مرفوع الراس..
وجعان
من غير ما اتهان
ما أروعك حين تكون بسيطا فى كلماتك .. عميقا فى معانيك استاذنا الأستاذ عصام فاروق