من قلب السُكات
بـقلم / أسـمـاء الـبـيـطـار
من جوا قلب السُكات
و صدقني دا أخر كلام
أنا اللي باقي فيا شوية صبر
على جدار الروح متشعبطين
و كأنهم حبة إزاز
و أهو كان مصبرني الكلمتين
اللي كنت بحكيهم لحيطان البيت
و ما كنتش بسمع غير صدى روحي
و مرايتي هجرتها لما لاقتني جوا منها
100 حتة مش على بعضها
و العينين متكحلين
بحبة دموع فوق الرموش متحجرين
و العُمر شاب قبل الأوان بأوان
و الأيام عَدِتْ السنين
و الكلام زي السُكات
و السُكات قرب يفيض
ونا صبري عَجِّزْ و العُمر مال
و اللي باقي مني بقايا حلم قديم
كان مقوي روحي لما مني تفيض
يا دووب الّحق اللي باقي فيا و فيه
بس أزييح غبار السُكات .
التعليقات مغلقة.