مهيش مستاهلَه . بقلم.حسن ابو عرب
مهيش مستاهلَه نتكبر
ونعمِل كل مابدَالنا
دا كِبر النفس بيدَمر
ورب الكون بيمهِلنَا
مهيش مستاهلَه واللَهِ
نبيع ضمايرنَا للجاحد
ولا فِى الكُون حاجه تضَاهِي
لنعمة ربنا الواحد
مهيش مستاهلَه نتفرق
ونتبعتَر بين المتاهات
داريح الهجر نار تحرق
لكل اخضر وكل نبات
مهيش مستاهله يا اخوَانَّا
نبيع الحب بدراهم
بإيدنا نصادِر احلامنَا
وندخُل ليل طويل عاتِم
مهيش مستاهله لو نعرف
بإن الموت قدر محتُوم
بياخد مننا ويخطف
فليه مابنرضى بالمقسوم. ؟!
التعليقات مغلقة.