موال الرجولة ١، ٢ بقلم /إبراهيم الافندي
موال الرجولة 1
اصل الرجولة مدرسة ع الكل بتْخَدم
واقفين عليها طابور و الكل بيقَدم
وناس كتيرة بتدخل في جملة الداخلين
فيه ناس تمر السنه و يطلعوا ساقطين
و ناس بتكشف ورقها و يسقطوا في يومين
و ناس تنام في الخط و نجيب لها مخدة
و ناس بتطلع بمادة و ناس بتتقدم
موال الرجولة 2
درس الرجولة بدأ و المدرسة خاصة
مطلوب تركز قوي ما تنامش في الحصة
ممنوع تجيب الأونطة في الشنطة لو داخل
و البهلوان أمنعة و الواطي و السافل
تدخل تلاقي الشهامة نادرة و مدروسة
رجالة في المرجلة أسود و مرصوصة
و أبو قُُصه لو يدخل ح يوقع الرصة
درس الرجولة بدأ و المدرسة خاصة
لازم تركز قوي ما تنامش في الحصة
خلصت كلامى خلاص
الافندى
التعليقات مغلقة.