موال..” نصيحة بنكهة حكمة الأجداد”…
أبومازن عبدالكافي
موال
” نصيحة بنكهة حكمة الأجداد”
امشي ف طريقك عدل
يحتار عدوك فيك
و اوعاك تصاحب شيطان
دايما بالمعاصي يغويك
صاحب اللي يخاف ربنا
علي درب التقي يهديك
وابعد عن الفاسد
اللي بفساده يعديك
إوعاك تتوه ياولد
بحر الحياة يغريك
خليك في شط الأمان
بالخير تمد إديك
قدم عمل صالح
في الآخرة هينجيك
الدنيا دي فانية يابني
والآخرة بتناديك
يا إما تنعم في جنة
يا نار يا واد تشويك
حاسب علي كلمتك
لا في الجحيم تهويك
وصلي ع المصطفي
اللي هيشفع فيك
………
أبومازن عبدالكافي.
الجمعة 5/11/2021m
التعليقات مغلقة.