مواويل للبيع … شعر عبد السلام عبد النبي
مواويل للبيع
وكلام وحاجات
مواويل للبيع
مش طالبه سكات
اصل احنا خلاص
ضيعنا المغني
ومافيش احساس
وزماننا سبقنا
علشان عايشين
مش عارفين ليه
وامل نسيناه
راح منا يابيه
راح فين بيرم
راح احلي كلام
سلامات رامي
تاهت الأنغام
راح فين الحب وموا يله
وهيام ليله
تاه وسط الزحمه الخزانه
اه اه يا انا
راح فين زكريا الحجاوي
اصحي يا غاوي
اسمع موا يا
رجعني معاك لليالي زمان
ويا عيني يا ليل
مواويل للبيع
البيع ببلاش
وصخب و زعيق
وحكاوي بلاش
احلام اولادي
في زمان ما بقاش
التعليقات مغلقة.