موت
سامح لطف الله
على كل لون عديت يا موت
عدي يا قطر علينا فوت
عبَّارة خايخة إرقع يا صوت
ساكن يا موت تحت النخيل
عند الكمين قلب الشطوط
يا مصر ساكنك عزرائيل
في كل مينا له بيوت
ناشر على أرضك خطوط
والخارطة زي الأخطبوط
بتنقي منا الطيبين
وع الفقير رامي الخيوط
ما تمد ايدك ع الشمال
بالعين بلدنا بطن حوت
عداد وشغال بالكروت
بيعد نبض القلب كيت
صحرا وقاحلة يا حضرموت
يارب واكتبلي النجاة
الشر مالي الكون بيوت
سامح لطف الله
التعليقات مغلقة.