ميلاد حبك بقلم الشاعر : أشرف يوسف
ماتسألنيش عن الماضي
وخلينا في بكره الجاي
في قاعده جميله
تسعدنا
بأغنيه و فنجان شاي
ميلاد حبك يانور عيني
في قلبي في يوم ما
اناعرفتك
فمتلومنيش علي امبارح
و فيه مقدرش اقول
شوفتك
كلامك يبقي ويايا
وتفكيرك في دالوقتي
و لو عن بكره ده جايز
مدام حبيتي و عشقتي
لكن زعلي يكون إمتي؟
في يوم ما نقول عن
الماضي
عشان كله حيبقي عتاب
و كل كلامنا في الفاضي
ما انا وانتي في يوم كنا
أكيد لينا معاه ذكري
فليه نتعب مشاعرنا؟!!!
وأحلامنا في ليل بكره
قوليلوا خمسميت باي باي
و خلينا في بكره الجاي
في قاعده جميله تسعدنا
بأغنيه و فنجان شاي
التعليقات مغلقة.