مين يلومه بقلم سامح لطف الله
الحكومة قال تلومه
اللي بيشخر ف نومه
واللي طالع من هدومه
لسه بيطبش ف عومه
نفسه يلقي رزق يومه
والشقا محطوط ف كومه
واللي بيحصل علومه
واللي منشاره وقدومه
ركنة جوه البيت تلومه
تسأله عن هم بكرة
تغرق الدنيا ف همومه
ناس بتفرح يوم ف عيدها
وهو يبكي يوم قدومه
ناس فلوسها مالية جيبها
جيبه يشكي من خرومه
حسنوا حالة فقيرنا
الحكومة ليه تلومه
سامح لطف الله
التعليقات مغلقة.