ميهمنيش بقلم.. بهاءاللبودى
ميهمنيش إن كنت ظابط
أو تمرجي أو شاويش ..
ميهمنيش
إن كنت شاري ولا بايع
ولا ناوي إنك تعيش
…
ما يهمني غير بسّ إنِّي
أبعد عينيك عن سكتي
منا ياما عيشت بصُغر سني
وياما شوفت بغربتي
أشخاص كتيرة حتخدعك
حلوه وجميله عيونها بُنِّي
لكن الحقيقة ح توجعك
والوقعة جامدة اسمعها مني
أشخاص كتيره هتوهمك
إن انت فرخه بكشك عندي
والكل عايش يحسدك
إن انت ساكن جوا قلبي
انت اللي روحي وهبتلك
وانا عمري ماتخليت بوعدي
فبلاس تعيش
فبلاش تعيش .. عمرك جدال
أصلا مفيش .. وقت و فصال
الدنيا دي ملهاش أمان
اختار قوام .. أو حِل عني
اختار نجاتك من هنا
خليك هناك أنا مُش دوا
دنا مُر علقم واستوى
ولا عُمْر قلبي فيوم نوى
يصبح يغني
ميهمنيش
وسط البشر عاشت بعيش
راضي بكياني .. و مُكتفي
وسواء حضرتي لحد عقلي برغبتك
أو حتي جيتي غصب عقلي مثبتك
“أنا ح أختفى”
التعليقات مغلقة.