نادينى…
منى الشوربجى
غلبانى بكرماتك حتى بعطفتك ليا وضحكاتك وقفشاتك وحزن شديد اوى عليا لو صحت فى قلبى الاااه لو اقولها او تحسيها بالاقيك اوام جنبى بقوة مارد المصباح بتشيلى الهموم عنى واحزانى اللى حبسانى ياغالية وصابرة على امسى لازم بكرة يجى بشمسى وبعده يهل بالافراح لازم اركع فى قلب الليل كمان اسجد دعيت ربى ولا ارضى تجافيك قلوب لحظة ياروح روحى ياواحة راحة الحيران بكل الحب باناديك تحنى لغربتى بقوة واتحجج اجى جنبك والف ايديا على توبك تضمينى بتحيينى سنين الصمت كيدانى ليالى جفونها هملانى ونن العين مسهرنى ياكل الكل ياست الكل غطينى لو اتزحزح توبى وملسى وسابنى اتعرى فى الضلمة وسامحينى ان غويتنى الغربة والعتمة..ياريتك انت نادينى .. بحبك .. يامه ياصبية ياصفحة نيل معدية وشمس عليل تداوى جروح انا المجروح ياعشة مضللة بشوقك على ولادك ياقلب الروح ….نادينى
التعليقات مغلقة.