نار صديقه…
أشرف الشناوي
صعب جدا
يوم تلاقى
قلب بيحبك
فدائى
قلب بيحس
باهاتك
قلب بيحبك
لذاتك
يعشقك
وليوم وفاتك
صعب جدا
يوم تلاقى
قلب بيغطيك
فى سقعه
يسندك
وف اى وقعه
لما توبك
يبقى دايب
يسترك وباى رقعه
قلب يبقى
معاك
فى ازمه
يبقى هدمه ويبقى
ازمه
قلب بيطبطب
جراحك
قلب بيوسع
براحك
صعب جدا
فى الحقيقه
تلقى قلب
بنيه صافيه
او بريئه
قلب ياخدك
م الوجع
ويفك ضيقه
قلب مايفكرش
مره.يقتلك
وبنار صديقه
صعب جدا
مش هتلقى
قلب بيحبك
بحرقه
قلب بيحس
بهواك
قلب بيدوب لما
تضحك
واما تبكى
يكون معاك
صعب جدا
والنهار ده
تلقى قلب يلين
ويرضا
او يصونك
فى المعارضه
كله عايش بالاونطه
لم اوراقك
فى شنطه
دا انت عايش
جوا مالطه
اللى حب وعاش
وعدى .جاله
بعد ماعدى
جلطه
صعب جدا
النهارده
تلقى قلب مافهش
شرطه
قلب عايش
مش فى ورطه………………
اشرف الشناوى
شاعر عاميه
البرامون
المنصوره
التعليقات مغلقة.